Pas deklaratës së Besa Kadriut, e cila kritikoi qeverinë për standarde të dyfishta dhe mbulimin e përgjegjësisë për rastin tragjik në Koçan, ka ardhur një reagim i menjëhershëm nga Lëvizja BESA. Në një komunikatë zyrtare, partia sqaroi se Kadriu nuk është nënkryetare e saj dhe se deklaratat e saj janë personale, jo qëndrime të partisë.
Sipas BESËS, Kadriu ka dhënë dorëheqje nga të gjitha funksionet partiake në mbledhjen e Kuvendit Qendror të mbajtur më 1 qershor 2024.
Ndërkohë, partia thekson mbështetjen e saj për institucionet shtetërore dhe inkurajon organet e drejtësisë që të zbardhin plotësisht ngjarjen tragjike në Koçan.
Ky zhvillim ngre pikëpyetje mbi unitetin brenda Lëvizjes BESA dhe ndikimin e deklaratave të Kadriut në opinionin publik.