Komunikacioni në magjistralen Shkup – pikën kufitare “Bllacë” që nga mëngjesi i sotëm është jashtë funksionit dhe momentalisht po devijohet për të shmangur bllokimet, transmeton Portalb.mk.
Shkak i bllokimit, siç informon Lidhja Auto Moto e Maqedonisë së Veriut, është bërë një problem teknik në terminalin në anën kosovare të kufirit.
“Për shkak të problemeve teknike në terminalin nga ana kosovare, komunikacioni në rrugën kryesore Shkup – pika kufitare Bllacë (PK Dizel) është devijuar vetëm për automjetet e mallrave”, thuhet në informacion.
E nga video-kamerat e Ndërmarrjes Publike për Rrugë Shtetërore (NPRrSh), të cilat tregojnë gjendjen e pikave kufitare në kohë reale, vërehet se aktualisht nuk ka lëvizje të automjeteve në PK “Bllacë”.
Për momentin nuk ka njoftim se kur do të ndërpritet qarkullimi në pikën kufitare dhe kur do të normalizohet.