LAJM I FUNDIT: Për çka u dakorduan mbrëmë Ramiz Merko dhe Mendi Qyra? Takim i kërkuar nga VMRO përmes Merkos
Burime të sigurta për “Ekspress media” bëjnë të ditur se mbrëmë vonë është zhvilluar një takim i fshehtë mes Ramiz Merkosit dhe Mendi Qyrës në shtabin e këtij të fundit.
Sipas informacioneve, takimi është organizuar me kërkesë të VMRO-DPMNE-së, përmes ndërmjetësimit të Ramiz Merkosit, i cili është parë duke mbërritur me Audin e tij të bardhë në orët e vona të mbrëmjes.
Burime të afërta me ish-kryetarin e Strugës pohojnë se takimi ka zgjatur më shumë se një orë dhe se është diskutuar për ndarjen e disa pozicioneve kyçe në administratën lokale dhe në shkolla.
Ky takim, që zhvillohet vetëm pak ditë para zgjedhjeve, ka hapur shumë pikëpyetje në opinionin publik mbi marrëdhëniet e reja mes Mendi Qyrës, Ramiz Merkosit dhe VMRO-së.
🔎 Deri tani nuk ka ndonjë reagim zyrtar nga asnjëri prej tyre, ndërsa burime brenda shtabit thonë se VMRO-së do ti takojn 80% e pozitave drejtuese në Strugë.