Moti sot do të jetë i ndryshueshëm me vranësira dhe mot me diell, kurse nëpër lugina me mjegull. Do të fryjë erë e lehtë deri mesatare nga jugu.
Temperaturat minimale do të lëvizin në intervalin -3 deri në 4, ndërsa maksimalja do të arrijë në 5 deri në 14 gradë Celsius.
Në Shkup do të mbajë mot pjesërisht i vranët, me mjegull dhe kryesisht i qetë. Temperatura minimale do të zbresë deri në 1, ndërsa ajo maksimale do të arrijë në 12 gradë Celsius.
Sipas njoftimeve të Drejtorisë për Punë Hidrometeorologjike, në ditët në vijim do të mbajë mot relativisht i ngrohtë për këtë periudhë të vitit, kurse nëpër lugina me mjegull dhe më të ftohtë. Nesër pasdite, në orët e mbrëmjes dhe gjatë natës të së enjtes do të ketë reshje të herëpashershme të shiut me intensitet të dobët.