Anëtari i Koalicionit Demokratik hungarez, Marton Gyekiczki, shkaktoi incident duke sulmuar kryeministrin hungarez Viktor Orban gjatë një konference për shtyp në Parlamentin Evropian të martën.
Incidenti tërhoqi shumë vëmendjen e mediave pasi Gyekiczki, dukshëm i nervozuar, hodhi letra drejt Orbanit dhe i bërtiti përpara se forcat e sigurisë të shtrinin në dysheme.
Një video e postuar në “CorriereTv” tregon momentin kur Gyekiczki, teksa ishte në dysheme, vazhdoi të bërtiste: “Për sa e keni tradhtuar vendin, kryeministër?”. Sigurimi më pas e shoqëroi politikanin hungarez jashtë sallës dhe kryeministri Orban qëndroi i qetë, duke vazhduar konferencën pa ndërprerje të mëtejshme.
Orban nuk u lëndua në këtë incident dhe pak pas ngjarjes ai dha një koment të shkurtër duke thënë se “stili i komunikimit i politikës hungareze është shumë i drejtpërdrejtë”:
Koalicioni Demokratik ka 16 deputetë në Asamblenë Kombëtare hungareze, nga 199 totali dhe dy deputetë në Parlamentin Evropian.
Kliko per te pare VIDEON!