Një nxënës në shkollën e mesme “Jovçe Tesliçkov” në Veles ka ekspozuar flamurin kombëtar në oborrin e shkollës dhe veprimi i tij ka bërë bujë të madhe.
Drejtori i kësaj shkolle menjëherë ka raportuar rastin në polici. Në Sektorin e Punëve të Brendshme kanë thënë se në ora 10:00 është raportuar nga drejtori se një nxënës ka nxjerrë flamurin kombëtar shqiptar në oborrin e shkollës.
“Në prezencë të punëtorit social me nxënësin është zhvilluar bisedë sqaruese dhe më pas i është marrë flamuri”, njofton zëdhënësja e SPB Veles, Biljana Gjakovska.
Sipas saj, pas dokumentimit të plotë të rastit do të vijojë masa përkatëse ligjore.(INA)