Dr. Agron Sulimani ka vizituar sot në spital mikun dhe kolegun e tij, Dr. Zekirja Shaini, i cili u plagos me armë zjarri gjatë ditës në qytetin e Kumanovës.
Dr. Shaini, që aktualisht po trajtohet në Spitalin Shtetëror të Shkupit, është në gjendje stabile pas një ndërhyrjeje kirurgjikale. Dr. Sulimani e ka shoqëruar gjatë gjithë ditës, duke ofruar mbështetje të afërt për të plagosurin.
Ngjarja tronditëse ndodhi sot në Kumanovë, ku Dr. Shaini u bë cak i një sulmi të armatosur nga persona të maskuar. Autoritetet ende nuk kanë dhënë detaje zyrtare mbi motivet apo autorët e sulmit.
Përmes një postimi në rrjetet sociale, Dr. Agron Sulimani ka ndarë një mesazh emocional për mikun e tij:
“Nuk vritet lehtë luani! Shërim të shpejtë, vëlla 💙.”
Dr. Zekirja Shaini është kandidat për këshilltar komunal në Komunën e Likovës, duke garuar në zgjedhjet lokale nga radhët e partisë AKI (Alternativa për Komunat e Integruara).
Ngjarja ka ngjallur reagime dhe shqetësim në opinionin publik, ndërsa pritet që autoritetet të zbardhin sa më parë rrethanat e këtij sulmi të rëndë.