Deputetja e Lëvizjes Vetëvendosje, Adriana Matoshi, ka reaguar ashpër pas deklaratave fyese dhe denigruese të kryetarit të Skënderajt, Sami Lushtaku, i cili së fundmi e quajti atë dhe deputetet e tjera të VV-së “k#drat që duhet t’i lidhë Albin Kurti”.
Matoshi ka kthyer përgjigje me tone të forta, duke i përmendur humbjet politike të Lushtakut dhe duke e akuzuar atë për keqpërdorime e pasuri të padeklaruar.
Në reagimin e saj, Matoshi shkruan:
“O nuk e ka me mu Sami. Ju kanë ndal terminalet. Ju kanë ndal tenderat.
Të ka mujt Ramizi në Drenicë. Të ka mujt Albini në Mitrovicë. Të kanë mujt burrat, e tash u kap me gra.”
Ajo thotë se nuk frikësohet nga gjuha e Lushtakut:
“Sami, nuk më tut mu, e as nuk lidhem për ‘kerpeshin’ e mënyrës si i sheh ti gratë.”
Deputetja e godet edhe me akuza të drejtpërdrejta për pasuri të padeklaruar:
“Ma mirë o me shku në Prokurori me kallxu për ato 7 ari tokë që s’i kishe deklaru prej 2001, e tash paska dalë që i paske bo 630 mijë euro banesa?”
Matoshi e përmbyll reagimin me një mesazh të prerë:
“Problemi i Kosovës janë qeto dallavere Sami, jo gratë!”
Reagimi i saj ka bërë bujë të madhe në rrjetet sociale dhe pritet të shkaktojë debat të ri politik në vend.