Nga viti i ardhshëm punësimet në sektorin publik dhe administratë në Maqedoninë e Veriut do të kryhen pa firmën e kërkuar më parë nga Ministria e Financave.
Kështu ka bërë të ditur ministri i Financave, Fatmir Besimi, në konferencën për media me ndryshimet në Ligjin për Buxhetin, i cili do të hyjë në fuqi në fillim të vitit të ardhshëm, përcjell INA.
Kjo do të thotë se ministritë, ndërmarrjet publike, shoqëritë aksionare shtetërore, drejtoritë, agjencitë dhe institutet do të mund të punësohen pa marrë pëlqimin e Ministrisë së Financave.
Sipas Besimit, bëhet fjalë për decentralizim të punësimit dhe punëdhënësi do të mund të punësojë me përgjegjësinë e tij, gjegjësisht vetëm me deklaratë nga kreu i institucionit se janë siguruar mjete për punësim.
Ministria e Financave deri më tani është dashur të njoftojë për mjetet e siguruara financiare, të njohura si “pëlqimi” për punësim dhe vetëm atëherë institucioni ka publikuar njoftim.