Pas akuzave të shumta të drejtuara drejtorisë për konfiskim dhe menaxhim të pronës së konfiskuar në lidhje me pronat që ju konfiskuan ish shefit të shërbimit sekret Sasho Mihajllov të cilat më pas u nxorrën në ankand nga agjensioni, të shumta ishin reagimet në opinon se pse u lejua që ato prona të blihen sërish nga familjarët ose me sakte nga djemt e Mihajllov?!
Drejtori i agjensionit në fjale Driton Nebiu sqaroj se si qëndron procedura dhe kush ka të drejtë të futet në gare për të blerë asetet e konfiskuara.
Pasi ne shpallem ankantin publik për pronat e konfiskuara, në garë ishin futur 3 firma dhe 1 person fizik për të blerë pronat që nxorrëm në shitje.
Pas përfundimit të ankantit, ne kuptuam se ato ishin blerë nga “DGTU Best Way investment Dooel Skopje” me pronar djalin e ish shefit të sherbimit sekret Sasho.M. Por sipas ligjeve në fuqi të Maqedonisë së Veriut cdo person fizik ose kompani që plotëson kushtet ka të drejtë të hy në ankant për të blerë asetet që agjensioni për konfiskim dhe menaxhim të pronavetë konfiskuara nxjerr në shitje.
Pra në ligj nuk ka ndalese ose penalizim për familjarët ose për personin të cilit i është konfiskuar pasuria.
Ne si agjension kemi kërkuar që të ketë ndryshime në këtë ligj, pasi është apsurde që prona që i konfiskohet të atit, ti rishitet të birit.
Si përfundim synimi i agjensionit që unë drejtoj është që dëmet që i bëhen shtetit dhe qytetarëve të konfiskohen dhe paratë të kthehen në buxhetin e shtetit, tha Nebiu për TV Telma, transmeton in7.tv.