Ganimete Musliu nga Partia Demokratike e Kosovës, ka reaguar ashpër ndaj ish-ministres, Donika Gërvalla, Albulena Haxhiu dhe Xhelal Sveçlës, të cilët të premten udhëtuan për të festuar 28 Nëntorin në Shqipëri.
Përmes një reagimi, Musliu i ka kritikuar, duke thënë se ish-ministrat kanë përdorur udhëtimin për t’i bërë thirrje mërgimtarëve të Kosovës që të votojnë më 28 dhjetor, duke mos respektuar as festat kombëtare.
“E ka kapur paniku këtë farë të fëlliqur. Shkojnë për të festuar festën kombëtare, e përfundojnë duke ju përgjëruar mërgatës për shpëtim. Këta nuk respektojnë as festat kombëtare, as dasmat, as mortet, as mërgatën, as Kosovën, as Shqipërinë. Këta mashtrues e manipulues, këta zhylla e shkatërrues. Këta vrasës të shpresës e të ardhmes se këtij vendi”, shkroi Musliu.