Gjatë verës që lamë pas, një motoçiklist gjerman “arriti të mbledhë” gjoba që do t’i kushtojnë deri në 17 mijë euro.
Sipas mediave të huaja, përcjell Telegrafi, motoçiklisti i paidentifikuar nga Rüsselsheim u kap nga kamerat e shpejtësisë 15 herë, ndonjëherë dy herë në një ditë.
Gjatë një periudhe gjashtë javore, domethënë gjatë qershorit dhe korrikut, radarët e regjistruan atë duke ngarë 131 km/h në një pjesë të rrugës me një kufi 50 km/h, si dhe 61 km/h pavarësisht nga një kufi prej 30 km/h.
Shkelja e ligjeve të qarkullimit rrugor nuk i mjaftoi dhe ai madje pozoi për kamerat e radarit duke menduar se “nuk do të kapej nga kamera” pasi motoçikletat e tyre nuk kanë targa të përparme dhe ata gjithashtu veshin helmeta.
Megjithatë, policia lokale ishte e vendosur për të gjetur motoçiklistin dhe përfshiu disa patrulla në këtë mision.
Kur e gjetën, oficerët e analizuan tërësisht atë dhe motoçikletën e tij duke krahasuar atë që kishin në imazhet e radarit. Motoçiklisti pranoi shkeljet dhe tha se besonte se nuk do të gjendej kurrë.
Si pasojë, deri më tani janë trajtuar 11 nga gjithsej 15 shkelje, të cilat do t’i kushtojnë atij 17 mijë euro.
Gjithashtu ai do të qëndrojë 31 muaj pa patentë shofer dhe ka marrë 22 pikë dënimi. /Telegrafi/
në Tel Aviv, përpiqet t’i puthë dorën presidentit izraelit
