Trajneri i Shqipërisë, Sylvinho ka folur pas ndeshjes së kuqezinjve me Moldavinë, 1-1, që iu solli atyre dhe kualifikimin në Euro 2024.
“Të gjithë që na kanë mbështetur, kanë bërë punë fantastike. Është një nder të jem trajneri i Kombëtares shqiptare. Pasi edhe ajo që kemi dhënë është shumë e bukur”, tha braziliani.
“Kur flitet për Sylvinho është edhe Doriva, Zabaleta, Luka, Iris, Ilir, të gjithë. Bulku, janë të gjithë”.
“Sigurisht që Moldavia nuk kishte asgjë për të humbur, luante me top të gjatë dhe ishte e vështirë. Ata nuk kanë humbur asnjë ndeshje përveçse asaj me ne”.
“Unë besoja që në fillim se ishte një grup që do shpërndaheshin pikët, nuk do kishte një skuadër që do të bënte 18 apo 20 pikë”, tha Sylvinho pas duelit me Moldavinë.