Mitrovica është vendosur nën llupë.
Dyshime të rënda për cënim serioz të integritetit zgjedhor janë ngritur pas identifikimit të mbi 20 fletëvotimeve me numra të shthurrur serikë.
Vota të klasëve e shkollave tjera në klasë e shkolla tjera.
Me mbi 20-sosh që dyshohet të jenë “shëtitur” nga vendpërkatësistë e tyre origjinale fjalët janë thënë për tren masiv “bullgar”.
Partia Demokratike e Kosovës është vënë në lëvizje duke kërkuar përfundimisht rivotim në Mitrovicë.
Mitrovica i vetmi qytet që theu empirikën: me dy mijë votues më shumë në raundin e dytë se të parë, çka zgjoi dyshime të mëdha, në kontradistinksion me komunat e tjera ku pati dhjetëra mijëra votues më pak, siç ndodh rëndom në balotazhe.
KQZ tha “defekte teknike” ndërsa kompania CETIS e “pranoi gabimin” dhe tha se ky i pretenduar “gabim” u bë edhe në sy dhe ekzaminim të KQZ-s.
CETIS, kompania sllovene me histori bashkëortakësia biznesore me Martin Berishajn, tha se i vjen “thellësisht keq për incidentin”.
“Pavarësisht zbatimit të masave gjithëpërfshirëse të sigurisë dhe kontrolleve të rrepta bazuar në standardet më të larta të cilësisë dhe sigurisë, ne marrim përgjegjësi të plotë për këtë gabim, i cili në rrethana normale do të ishte pothuajse i pamundur të ndodhte.
Fletët e votimit përfshijnë disa elementë sigurie që nuk mund të replikohen, prandaj besojmë se falsifikimi nuk mund të ketë qenë i mundur. Thellësisht na vjen keq që një incident i tillë ndodhi pavarësisht të gjitha masave parandaluese, përfshirë ekzaminimin personal nga ekipi juaj në ambientet tona të prodhimit”, thanë ata.
Numërimet në QNR në Mitrovicë janë ndërprerë nga prokuroria; ndërsa pritet të dalin me sqarim pas dhënies së përgjigjes nga CETIS.
Përparim Gruda i PDK-së në konferencë për shtyp tha se tash i dërgojnë në PZAP të gjitha “të gjeturat, evidencat, faktet” për parregullësitë në Mitrovicë.
Kërkesa finale e PDK-së, ripërsëritje e balotazhit në Mitrovicë: Gruda elaboroi të gjeturat e pretenduara të PDK-së që evidentojnë skemë manipulimi zgjedhor.
“Rastet konkrete me këtë parregullësi janë si në vijim: në Shollën Avdullah Shabani janë gjetur tri fletëvotime të klasës tjetër, në klasën tjetër në shkollën Avdullah Shabani është gjetur fletëvotim i shkollës Migjeni, e në shkollën Migjeni është gjetur fletëvotim i një klase tjetër. Ka fletëvotime të shumta që janë bartur”, tha Gruda më tutje.
VV me kundërakuza, nuk fton prokurorinë për hetime
Albulean Haxhiu e Vetëvendosjes i quajti “insinuata” dhe u lëshua në gjuhë të pareferentë propaganduese si “hibridë” referuar mediave.
“Dhe kur dështimi është kaq flagrant, natyrshëm kombinimi i dështimit të PDK-së dhe disa hibridëve del sërish në skenë. Tani, meqë nuk arritën të fitojnë as në terren e as përmes studiove televizive, duan ta marrin rezultatin në tavolinë”, tha ajo.
Juristi Ehat Miftararj nga Instituti Kosovar për Drejtësi ngriti pyetjen se “pse me bu kaq nervoz” akterë të Vetëvendosjes nëse procesi ka qenë i lirë dhe i drejtë.
“Nëse procesi ka qenë i drejtë, i lirë dhe pa mashtrime në Mitrovicë nuk kanë nevojë mu ba kaq nervoz disa eksponentë të LVV. Çka janë këto piskama, pse kjo gjuhë e urrejtjes, pse po tuten kaq shumë?”, tha Miftaraj.