Kryeministri Hristijan Mickoski ka njoftuar krijimin e një “shtabi krize” për protestën e 13 dhjetorit, gjë që sipas OVL-UÇK-së po krijon tensione të panevojshme.
Në reagimin e tyre, Veteranët e Luftës së UÇK-së theksojnë se protesta në Shkup do të jetë paqësore, qytetare dhe gjithëpërfshirëse, e organizuar për mbrojtjen e dinjitetit dhe kundërshtimin e padrejtësive në Hagë.
Ata sigurojnë qytetarët se protesta nuk ka prapavijë partiake dhe kërkojnë nga institucionet e Maqedonisë së Veriut të ruajnë profesionalizmin, duke mos e politizuar të drejtën kushtetuese të tubimit.