Ndaj akuzave të opozitës se hetimi për djegien e diskotekës “Puls” në Koçan po bëhet në mënyrë selektive, kryeministri Hristijan Micksoki është përgjigjur me thirrje ndaj Prokurorisë që të hetohet çdokush pavarësisht se cilës përkatësie i takon. Për BDI, Mickoski tha se ka tentuar që ta politizojë fatkeqësinë e Koçanit për të fituar pikë politike, në kurriz të viktimave të pafajshme.
“Çdokush, jo vetëm tani, por edhe në të kaluarën që ka pasur çfarëdo roli dhe ka kryer çfarëdo funksioni që edhe në mënyrën më të vogël të mundshme ka qenë i përfshirë në këtë ose ngjarje të ngjashme të sanksionohet…Më vjen keq që BDI nuk doli nga ajo matricë që e shohim në skenën politike më shumë se 22 vite. Dhe në vend që të shprehë ngushëllime dhe të kyçet në hetim dhe të ndihmojë, ata u munduan që këtë rast ta politizojnë dhe etnizojnë. Gjegjësisht, të tentojnë që në mënyrë brejtëse të fitojnë ndonjë pikë politike në fatkeqësinë e këtyre viktimave të pafajshme”, deklaroi Hristijan Mickoski, kryeministër. /Alsat.mk