Izet Mexhiti, një nga liderët e koalicionit VLEN, në një prononcim për TV Alsat ka dhënë një mesazh të drejtpërdrejtë për Arben Taravarin, në lidhje me qëndrimet e tij për të ardhmen e bashkëpunimit politik.
“Nëse Taravari nuk dëshiron të vazhdojë me VLEN-in dhe për të është problem qeverisja me këtë koalicion, atëherë më burrërisht është të dalë hapur dhe të thotë se dëshiron të bashkëpunojë me BDI-në. Le ta lëshojë qeverisjen dhe të shkojë te BDI,” u shpreh Mexhiti.
Kjo deklaratë e fortë vjen në një kohë kur janë shtuar spekulimet për një mundësi të afërt bashkëpunimi mes Arben Taravarit dhe BDI-së, gjë që po krijon tensione brenda kampit opozitar shqiptar.