Mexhiti: Poliklinika e re e Sarajit do t’u shërbejë 45.000 qytetarëve!

Ministri i Shëndetësisë, Dr. Fatmir Mexhiti, mori pjesë sot në hapjen e Poliklinikës së re të Sarajit, e cila do t’u shërbejë mbi 45 mijë banorëve nga ky rajon i qytetit.

“Është një nder i madh, që mëngjesin e sotëm, bashkërisht të promovojmë hapjen e Poliklinikës së re të Sarajit, e cila do t’u shërbejë mbi 45 mijë banorëve në këtë pjesë të qytetit. Dua të theksoj se ky është një sukses i përbashkët për të cilin duhet të krenohemi.

Bëhet fjalë për një investim prej 79 milionë denarë, i siguruar nga Ministria e Shëndetësisë.

Poliklinika në Saraj do të ofrojë kujdes shëndetësor për qytetarët e mbi njëzet vendbanimeve (përfshirë Bojanë, Matkën, Kopanicën, Çajlanin, Bukoviqin, Kondovën, Lubinin, Radushën, Shishevë, Svilaren e Poshtme dhe Svilaren e Sipërme , Gërçec, Krushopek, Laskarcë e të tjera). Deri më tani, pacientët nga kjo komunë i përdornin shërbimet shëndetësore në poliklinikën më të afërt të Gjorçe Petrovit.

Poliklinika e re do të jetë pjesë e Shtëpisë së Shëndetit Shkup dhe në këtë mënyrë do të kontribuojë në kujdesin shëndetësor edhe më efektiv të popullatës në fushën e kujdesit parësor shëndetësor.

Pra, në të do të ofrohen shërbime shëndetësore për kujdes shëndetësor parandalues, përkatësisht do të funksionojnë qendrat e vaksinimit të fëmijëve të moshës parashkollore dhe shkollore me stomatologji parandaluese për fëmijë.

Krahas shërbimeve parandaluese, Poliklinika do të ofrojë edhe kujdes shëndetësor specialisto-konsultativ. Të pajisura janë, laboratori biokimik, kabineti i diagnostikimit me rreze X, një kabinet ORL dhe një kabinet dermatovenerologjik.

Për një funksionim të suksesshëm të poliklinikës, është siguruar staf mjekësor profesional, për të cilin në dhjetor të vitit të kaluar është realizuar edhe punësimi i 26 punonjësve shëndetësorë nga profile të ndryshme si: mjekë të mjekësisë, infermierë, laborantë dhe staf tjetër të dedikuar për Poliklinikën e Sarajit.

Jemi plotësisht të përkushtuar për të forcuar shëndetin publik, përmes përmirësimit të infrastrukturës, duke blerë pajisje të reja, ilaçe të reja, gjithashtu duke investuar edhe në kapitalin njerëzor. Me të njëjtin ritëm vazhdojmë edhe në periudhën e ardhshme.”, thekson Mexhiti.

lajmet e fundit

Taravari viziton familjen e foshnjës që u dhunua në spital, a do të lejojë VMRO të shkarkohet nga puna një maqedonase!?

Pasi u raportua se një foshnje tre muajshe është dhunar nga motrat mendicinale në spitalin e Pediatrisë në Shkup, që siç thuhet, vetëm se...

Spanjë apo Angli? Kush merr bonuse më të mëdha nëse shpallet kampion në Euro 2024

Lojtarët e Spanjës dhe Anglisë do të luajnë për të fituar trofeun e Euro 2024, por edhe për bonuse të majme që do të...

Jakupi: s’VLEN dhe VMRO shkarkojnë komandantin shqiptar nga stacioni i Gostivarit, emërojnë maqedonas

Nënkryetari i ri i Aleancës për Shqiptarët, njëherë edhe kampion europian në karate, Berar Jakupi, përmes një statusi në “Facebook”, ka reaguar për “ndryshimin...

Kylian Mbappe, futbollisti më i shpejt i Euro 2024

Të dielën zhvillohet finalja e madhe mes Anglisë dhe Spanjës në Euro 2024. Kylian Mbappe, është futbollisti më i shpejt në Euro 2024, me 36.5...

“Yamal nuk duhet të ketë presion”, De la Fuente: Dua të jetë i qetë para finales

Ka shënuar 1 gol dhe ka asistuar 3 të tjerë, në Euro 2024 dhe mbrëmjen e së dielës do të ketë mundësinë të fitojë...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu