Kryeministri i Malit të Zi, Milojko Spajiq ka bërë të ditur se Mali i Zi është afër një vendimi për futjen e orarit shtatëorësh të punës.
Përmes një postimi në rrjetin social Facebook, Spajiq ka thënë se synimi i këtij ndryshimi ka të bëjë me përmirësimin e cilësisë së jetës së qytetarëve të Malit të Zi.
“Pas shqyrtimeve të gjera se si të gjejmë një model që do të kënaqte si sindikatat ashtu edhe punëdhënësit, mund të konfirmojmë se jemi afër zgjidhjes në lidhje me futjen e orëve shtatë orëshe të punës. Nga fillimi i javës së ardhshme, ministrja Naida Nišić do të udhëheqë bisedimet në kuadër të dialogut social me përfaqësuesit e sindikatave dhe punëdhënësit, ku do të kristalizohet versioni përfundimtar i kësaj reforme. Synimi është që përmes konsultimit të gjerë të realizohet një nga reformat më të mëdha në fushën e punës që synon përmirësimin e cilësisë së jetës së qytetarëve tanë dhe më shumë kohë për familjet, por edhe punën në mënyrë më efikase dhe produktive. Pikerisht ne menyren e zbatimit te programeve Evropa Now 1 dhe Europe Now 2 – me marreveshjen e punedhenesve dhe sindikatave – hapa konkrete dhe ne rast te reformimit 7h ore pune do te merren ekskluzivisht me mbeshtetjen e plote te partnerve social. Ne besojmë se ministri Nišić do të bëjë gjithçka në emër të Qeverisë për të arritur një marrëveshje në kohën optimale me qëllim të përmbushjes së pritjeve të qytetarëve dhe forcimit të pozitës së të gjithë punonjësve në vendin tonë”, ka shkruar Spajiq. /21Media