Krenar Lloga i është përgjigjur akuzave të fundit të Arben Taravarit, duke theksuar se i vetmi individ që ka kërkuar shërbim për Nikolla Gruevskin është vetë Taravari, dhe këtë mund ta faktoj me prova. Lloga theksoi se Taravari ka kërkuar shërbim për Gruevskin në dy raste të ndryshme. Në përgjigjen e tij, Lloga shprehu se gjithashtu ka qenë kundër ndryshimeve të Kodit Penal dhe kjo është e dëshmuar nga fakti që emri i tij nuk figuron në propozimin e qeverisë për ndryshime ligjore. Lloga shpjegoi se hakmarrja ndaj tij për qëndrimin e tij ka qenë mosvotimi i Ligjit për Amnisti në Kuvend.
Për më tepër, ai e kritikoi Taravarin për përpjekjen e tij për të defokusuar opinionin nga dështimi i tij si politikan dhe ministër i Shëndetësisë, duke përdorur akuza të pabaza. Lloga e akuzoi Taravarin si “ministër i vdekjes së fëmijëve,” duke i referuar periudhës kur ai ishte ministër dhe përpjekjeve të tij për të shmangur përgjegjësinë për dështimet në fushën e shëndetësisë.
deklarata e plot e Krenar Lloges:
Me përgjegjësinë më të lartë morale, penale dhe materiale mund të deklaroj se i vetmi individ që ka kërkuar shërbim për Nikolla Gruevskin është Arben Taravar, dhe këtë të paktën në dy raste, gjë që mund ta faktoj.
P.S. Për ndryshimet e Kodit Penal botërisht dihet se unë kam qenë kundër, dhe kjo është e dëshmuar edhe në propozimin e qeverisë, ku nuk figuron aspak emri im. Hakmarrja për mosmbështetjen time ndaj atyre ndryshimeve ishte mosvotimi i Ligjit për Amnisti në Kuvend. Këto qëndrime z. Taravar i ka shprehur edhe vetë disa herë nëpër studio televizive. Tani, duke mos pasur si të arsyetohet për dështimin total si politikan dhe si ministër i shëndetësisë, ose si “ministër i vdekjes së fëmijëve,” përpiqet të defokusojë opinionin.