Ish-presidenti i Shqipërisë, Ilir Meta është takuar në qytetin e Ohrit me kryeministrin e Maqedonisë së Veriut, Hristijan Mickoski si dhe politikanë të tjerë e ministra nga radhët e VMRO-DPMNE-së.
Meta është shprehur entuziast nga ky takim, në të cilin shkruan në Facebook se miqtë e tij nga VMRO-DPMNE u mbijetuan persekutimeve ndaj sot dhe janë fitimtarë.
Statusi i plotë:
Mes miqsh të mrekullueshëm sot në Ohër!
I lumtur t’ju uroja Fitoren nga afër Kryeministrit dhe Liderit të VMRO, z.Hristijan Mickoski, Zv/Kryeministrit dhe Ministrit të Transporteve z.Aleksandar Nikoloski dhe Ministrit të Mbrojtjes, z.Vlado Misajlovski.
Kurrë nuk kam dyshuar në Fitoren e këtij ekipi të mrekullueshëm, me karakter dhe shumë vizion. Ata i mbijetuan persekutimeve më mizore por kurrë nuk u dorëzuan dhe Fituan!
Diskutuam edhe për rëndësinë e ndërtimit të Korridorit 8 dhe jam i lumtur të dëgjoja novitetet e programit të tyre ekonomik.
VMRO nën lidershipin e Hristijan Mickoskit jam i bindur se do të jetë shembulli më i mirë se si një parti i shërben popullit të saj dhe e fuqizon qytetarin