Ligji për “branitellët” herët a vonë do të kalojë!
Qeveria Micko tashmë e ka vendosur se me aleatët e saj do ta miratoj ligjin skandaloz të “branitellëve”, si kundërpërgjigje e supremacisë së shtetit ndaj veteranëve të UÇK-së dhe shqiptarëve.
Herët a vonë ky ligj do të kalojë edhe me votat e vlenistëve, pavarësisht kundërshtimeve të tyre për gjoja bllokim te këtij ligji.
Ata e dinë se nuk mund t’i thuhet jo despotit Micko ndaj bëjnë lojë fjalësh në emër të patriotizmit fals duan të ruajnë sloganin e “Ndryshimit” që nuk duket gjëkundi në horizont as si dritë dhe as si mjegull.
“Guri fundit të dominos” për vlenistët dhe patriotizmi i tyre fals për “Ndryshim” do të jetë vendimi i Gjykatës Kushtetuese, kur pritet që ajo në fillim të tetorit do ta shqyrtoj ligjin për gjuhët e pakicave, ku në rastin me të keq ajo do ta shfuqizoj ligjin në fjalë dhe kësisoj gjuha shqipe do të mbetet në kalendat greke, si gjuhë e humbur.
Asgjë s’mund të paragjykojmë derisa vlenistët si anëtarë të kabinetit qeverisës të marrin nje vendim, nëse ata do të pajtohen me vendimin e Gjykatës Kushtetuese, të nxitur politikisht si në këto tri dekada të demokraqisë maqedone apo do të largohen nga qeveria e koalicionit në emër të patriotizmit dhe ndryshimit.
Megjithatë, veprimet dhe qëndrimet e fundit kanë lënë shumë për të dëshiruar ne lidhjeme Ndryshimin e shumë përfolur me muaj të tërë që do të vinte nëse ata do të vinin në pushtet.
Le të presim “gurin e fundit të dominos” për Ndryshim nga ana e vlenistëve në përballjen e madhe të ligjit për “branitellët” dhe ligjit për gjuhët e pakicave ! Medai Shaholli