Në shtëpinë më të madhe në vend, tensionet duket se po arrijnë kulmin. Edi ka ndarë me Londrimin dyshimet dhe shqetësimet e tij rreth raportit me Dolcen, duke pranuar se pas rikthimit të saj nga Grande Fratello, ka vërejtur një ftohtësi të theksuar në sjelljen e saj ndaj tij.
Sipas Edit, diçka ka ndryshuar mes tyre dhe marrëdhënia nuk është më si më parë. Kjo situatë ka ngritur dyshime për një krizë serioze, madje duke lënë të hapur mundësinë që çifti të jetë drejt ndarjes.
Sonte, në Prime, pritet të diskutohet në detaje gjithë rrugëtimi i kësaj marrëdhënieje — nga fillimet e saj deri në momentin aktual. Publiku është në pritje që produksioni t’u shfaqë banorëve edhe pamje nga eksperienca e Dolce-s në Grande Fratello, ku ajo u afrua me një tjetër banor, me të cilin shikuesit vunë re një kimi të dukshme.
Situata u bë edhe më e ndjeshme pas deklaratave të Dolce-s në versionin italian, ku ajo u shpreh se ishte “single”, një pohim që ka ndezur reagime dhe pikëpyetje të forta jashtë shtëpisë.
Të gjitha sytë janë nga Prime i mbrëmjes, ku pritet të zbardhet e vërteta dhe të shihet nëse kjo marrëdhënie ka ende shpresë apo është drejt fundit.