Gjatë ceremonisë së inaugurimit të punimeve për autostradën Tetovë–Gostivar, ku morën pjesë të gjithë partnerët e koalicionit qeveritar, u vu re një moment i tensionuar midis ish-bashkëpunëtorëve politikë. Liderët e koalicionit opozitar shqiptar VLEN dhe ministri i Shëndetësisë, Arben Taravari, shmangën përshëndetjen mes tyre, duke mos shkëmbyer asnjë kontakt apo gjest miqësor.
Megjithatë, si Taravari ashtu edhe përfaqësuesit e VLEN-it u panë duke shtrënguar duart dhe përqafuar kryeministrin Hristijan Mickoski, duke reflektuar harmoninë brenda koalicionit qeveritar, pavarësisht tensioneve mes vetë partive shqiptare.
Ky episod publik konfirmon përçarjen e thelluar mes VLEN dhe Taravarit, që pas largimit të këtij të fundit nga koalicioni. Linjat e komunikimit mes palëve duken të ndërprera plotësisht, duke hedhur hije mbi mundësinë e një bashkëpunimi të afërt në të ardhmen e afërt.
Liderët e VLEN-it dhe Taravari përshëndeten🤝 me Mickoskin, por jo edhe me njëri-tjetrin!
