Lëvizja Besa akuza BDI-së: Mos e mbroni rrogën 3000 euroshe të Bekim Nezirit – përjashtojeni nga partia!

Levizja BESA thekson se sa më shumë që BDI dëshiron të shitet si parti “pro Evropiane” aq më shumë dëshmohet se është pro krimit dhe korrupsionit.

“Për të mbrojtur krimin dhe korrupsionin, janë në gjendje që të shkatërrojnë edhe institucionet të cilat mbrojnë sigurinë ajrore ndërkombëtare, siç është rasti me sulmin në Kullën e Kontrollit të Aviacionit Civil. Në vend që BDI urgjentisht të largojë nga partia dhe nga çdo funksion Bekim Nezirin, ajo vetëm distancohet nga veprimi i tij, duke u përpjekur ta mbrojë. Në vend që BDI të veprojë për shkarkimin e të gjithë drejtorëve në M-NAV ajo hesht dhe tenton ti shpëtojë ata, edhe pse tre ditë më parë u vendosën në rrezik rreth 30 aeroplanë dhe qindra udhëtarë”, theksoi zëdhënësja e kësaj partie, Lulzime Ameti.

Sipas saj, BDI-së nuk i interesojnë as qytetarët, as siguria në institucionet që janë të lidhura ndërkombëtarisht siç është M-NAV, por i interesojnë vetëm pozitat ku ushtarët e saj marrin paga të majme dhe tenderë.

“BDI sot po e mbron Bekim Nezirin i cili nga M-NAV merr 3 mijë euro rrogë, edhe pse mediat shkruajtën se shtatë vite nuk ka shkuar në punë. BDI mbron drejtorin tjetër të M-NAV Hasim Deari sepse edhe ai merr 3 mijë euro rrogë. BDI mbron edhe Fahrudin Hamidin, sepse nga M-NAV ai merr 4 mijë euro rrogë. Dhe të tre këto persona që nga M-NAV, bashkë marrin 10 mijë euro në muaj për interesat e tyre personale dhe partiake, janë në gjendje që në objektin e kontrollit të fluturimeve të shkaktojnë arenë boksi dhe të rrezikojnë fluturimet ndërkombëtare.

Pasi dhuna e ushtarëve partiak të BDI-së të udhëhequr nga Bekim Neziri në M-NAV shkatërroi imazhin e shtetit para ndërkombëtarëve dhe mund ta vendoste vendin tonë në një izolim të plotë ndërkombëtar, edhe një herë i bëjmë thirrje BDI-së që urgjentisht ta shkarkojë Bekim Nezirin nga çdo pozitë partiake dhe të kërkojë largimin e tij nga pozita e këshilltarit të drejtorit në M-NAV. Po ashtu urgjentisht të kërkojë edhe shkarkimin e dy drejtorëve tjerë, Fahrudin Hamidi dhe Hasim Deari.
Nëse nuk e bënë këtë, atëherë BDI ia vëndos vulën vetvetes si organizatë e funksionarëve kriminel që shkaktojnë dhunë dhe për interesat e tyre janë në gjantje të shkatërrojnë edhe institucione ndërkombëtare”, theksoi Lulzime Ameti, zedhenese e Levizjes BESA.(INA)

lajmet e fundit

Goditet nga energjia elektrike, humb jeten 19 vjeçari nga Shkupi

Në ora 23:43 në SPB Shkup është raportuar se L.L (19) nga Shkupi ka ndërruar jetë në një festë në shtëpi. Sipas raportit, pas...

Presidentja Osmani mikpret këngëtaren me famë botërore Bebe Rexha

Presidentja e Kosovës, Vjosa Osmani ka pritur sot në takim këngëtaren e njohur me famë botërore Bebe Rexha. E para e shtetit Vjosa Osmani...

Zbardhet vrasja në Debresh! Arrestohen tre persona, konfiskohet arma dhe vetura

Ministria e Punëve të Brendshme ka njoftuar se është zbardhur vrasja në Debresh të Gostivarit, ku janë arrestuar tre persona dhe ndaj të cilëve...

Pas 13 ditëve në flakë, shuhet zjarri në malin Serta

Zjarri afër Sertës është shuar tërësisht pas 13 ditëve luftë me stihinë e zjarrit, informoi sot komandanti i Njësisë territoriale zjarrfikëse Negotinë, Stole Atanasov. Situata...

Aksident në Kumanovë, dy të lënduar rëndë

Një aksident ka ndodhur këtë pasdite në Kumanovë. Nga terreni mësohet se dy vajza janë lënduar rëndë, pasi u ndeshën me një veturë tjetër...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu