Legjenda e Hollywood-it, Al Pacino, i njohur për rolet e tij ikonike në Scarface, The Godfather, House of Gucci dhe të tjera, ka përfunduar lidhjen e tij me producenten e filmave Noor Alfallah. Çifti, pavarësisht diferencës së madhe në moshë, u afruan më shumë gjatë pandemisë dhe mirëpritën djalin e tyre, Roman, në qershor 2023, sipas raportimeve nga ‘Mirror UK’.
Aktori u pyet së fundmi për statusin e tij romantik aktual dhe ai e bëri të qartë se po jeton i vetëm, duke thënë: “Jo. Kam miqësi”, kur u pyet nëse është në një lidhje. Një përfaqësues i aktorit sqaroi më tej për publikimin se dyshja kanë kaluar nga partnerë në miq dhe janë të përkushtuar së bashku për rritjen e fëmijës së tyre: “Al dhe Noor janë miq shumë të mirë, kanë qenë për vite, dhe janë bashkëprindër të djalit të tyre, Roman.”
Al Pacino, i cili ka pasur lidhje të profilit të lartë me yje si Diane Keaton, Beverly D’Angelo dhe Kathleen Quinlan, është gjithashtu baba i tre fëmijëve të tjerë. Përveç djalit të tij të porsalindur, Roman, ai ka një vajzë 34-vjeçare, Julie, me trajneren e aktrimit Jan Tarrant dhe binjakë 23-vjeçarë, Anton dhe Olivia, me aktoren Beverly D’Angelo.
Sipas ‘Mirror UK’, në kujtimet e tij të ardhshme Sonny Boy, aktori i referohet martesës si “hyrje në trenin e dhimbjes”, duke ndarë pikëpamjet e tij personale mbi angazhimin me revistën People: “Çdo gjë është një biletë për trenin e dhimbjes. Një biletë ose asgjë. ‘A do të shkosh apo jo?’ ’Jo, unë do të qëndroj këtu. Do të qëndroj këtu në stacion, nuk po hipi në tren’.”
Ai gjithashtu e shtjelloi perspektivën e tij mbi marrëdhëniet, duke sugjeruar se, ndërsa martesa mund të funksionojë për disa, atij kurrë nuk i është dukur e përshtatshme: “Martesa mund të të përshtatet, sigurisht. Por për ndonjë arsye nuk më është dukur kurrë e përshtatshme. Më pëlqente të bashkëjetoja (me gratë), dhe pastaj varet nga kush po shkon mirë me ty.”
“Kur jeton bashkë me dikë, duhet të kesh një farë bashkimi. Nëse nuk e ke, është pothuajse si një pushtim”, shtoi ai. (IANS)