Lidhja Demokratike e Kosovës (LDK), ka njoftuar se ka nënshkruar marrëveshje parazgjedhore me Partinë e Drejtësisë (PD) dhe Aleancën Kosova e Re (AKR).
Sipas marrëveshjes, PD do të ketë dy kandidatë në listën e LDK-së, ndërsa AKR tre kandidatë.
Ky bashkim, sipas kreut të LDK, Lumir Abdixhiku, synon krijimin e një aleance pro-perëndimore, me fokus në qeverisje të mirë, rikthimin e institucioneve, transparencën, zhvillimin ekonomik dhe forcimin e partneriteteve ndërkombëtare të Kosovës.
Ai ka theksuar se LDK synon që përmes këtij bashkimi të ndërtojë një shumicë të re politike që ta udhëheq vendin me stabilitet dhe vizion drejt BE-së, NATO-s dhe partneritetit me SHBA-të.