Ministri i Jashtëm rus Sergej Lavrov iu drejtua Këshillit Ministror dhe, siç pritej, akuzoi vendet e tjera anëtare, veçanërisht BE-në dhe SHBA-në, për hipokrizi dhe mospërfillje të parimeve mbi të cilat mbështetet OSBE.
Duke iu drejtuar, siç tha ai, burokracisë së Brukselit, Lavrov pohoi se Evropa ka problem me faktet dhe objektivitetin dhe se konkluzionet që do të miratohen në OSBE këto dy ditë janë të përgatitura paraprakisht, duke dashur të thotë se nuk janë rezultat. të dialogut politik. Ai akuzoi OSBE-në se hesht kur liria e medias në vendet perëndimore kërcënohet dhe u bëhet represion, dhe për këtë sulmon Rusinë dhe se kërkesat e Moskës për të diskutuar lëvizjet neonaziste në të gjithë Evropën dhe në Ukrainë janë refuzuar vazhdimisht.
Me mesazhin se “neo-nazistët janë të mirëpritur në BE”, ai konkludoi se nuk ka vend për optimizëm dhe se OSBE-ja është bërë zëdhënëse e vendeve perëndimore.
Lavrov tha po ashtu se është faji i OSBE-së që sipas tij e kanë sjellë këtë ndasi në OSBE.
“Është faji juaj që keni sjellë këtë ndasi të OSBE-së, vetë iniciatorët e kësaj ideje janë duke e vrarë OSBE-në. Ka qenë tradicionale që ne të mbanim fjalime pozitive por kjo nuk po ndodhë më, sepse OSBE është bërë vegël e BE-së”, tha ai.
Folësi i parë pas Lavrovit, shefi danez i diplomacisë Rasmussen konsideroi se mesazhet e tij ishin manipuluese, me mesazhin “kaq nga dialogun” – sepse, sipas tij, ministri rus u largua nga takimi menjëherë pas fjalimit që mbajti. / Alsat.mk