Analistja, Alma Lama në emisionin “Click” tha se VV e preferon LDK-në përshkak të nështrimit dhe sundimit.
“Me këta numra që janë në parlament, vetëm ngërqi politik është i garantuar, kështu nuk mendoj se do të ketë ndonjë bashkëpunim ndërmjet LDK-së dhe VV-së. VV e preferon LDK-në sepse dëshiron ta nënshtroj dhe ta sundoj”, tha ajo. /RTV21/21Media
Lama: Interesi i ulët i diasporës reflektohet në rezultatin e VV-së
Analistja, Alma Lama në emisionin “Click” të RTV21 tha se Lëvizja Vetëvendosje ka rënie të dukshme në krahasim me zgjedhjet e 9 shkurtit.
“Në një palë zgjedhje të mundshme, kur të dështoj krijimi i qeverisë, këto shifra mund të jenë të ndryshme, por që ka rënie ka LVV është e dukshme krahasuar nga 9 shkurti”, deklaroi Lama.
Për zgjedhjet lokale, ajo tha në këto zgjedhje janë vlerësuar më shumë liderët lokal sesa ata nacional, duke shtuar se diaspora në këto zgjedhje ka qenë më e pak e interesuar.
Interesimi i “ulët” i diasporës për të votuar në zgjedhjet lokale, sipas saj mund të ketë pasur ndikimi tek rezultati i LVV-së në këto zgjedhje.
“Mos të harrojm që ende nuk janë numëruar votat e diasporës dhe diaspora ka qenë më pak e interesuar këtë herë, si zakonisht në zgjedhjet lokale që nuk ka votuar dhe kjo mund të ketë ndikuar edhe tek rezultati i LVV-së. Por prapë mendoj që këto zgjedhje nuk janë një pasqyrë e vërtetë e rezultatit zgjedhor në kuptimin që me të vërtetë dallojn këto zgjedhjet komunale me ato të përgjithshme, do të thotë vlerësohen më shumë liderët lokal sesa liderët nacional”, tha analistja në Click. /RTV21/21Media
Krijimi i qeverisë, Lama: Fokusi i Kurtit dhe subjekteve tjera është tek balotazhi
Analistja, Alma Lama në emisionin “Click” të RTV21 për krijimin e qeverisë tha se kryeministri në detyrë, Albin Kurti dhe subjektet tjera politike nuk e kanë barrën tek krijimi i qeverisë por tek balotazhi.
Ajo shtoi se çështja më interesante është se do të ketë krijim të ndonjë aleance mes subjekteve politike në balotazh për marrjen e ndonjë komune.
“Po kam përshtypjen që krejt fokusi i Kurtit, sigurisht i subjekteve tjera sepse ata nuk e kanë barrën për krijimin e qeverisë por tek balotazhi. Qështja më e interesante është se a do të krijohet ndonjë aleancë ndërmjet subjekteve politike në balotazh për të marrë njërën apo tjetrën komunë dhe mbi të gjitha a do të bashkëpunojnë ish partitë opozitare, LDK, PDK dhe AAK me LVV-në në nivelin komunal”, tha Lama. /RTV21/21Media