Babai nga Kërçova, i dyshuar për vrasjen e vajzës së tij dyvjeçare, ka marrë paraburgim prej 30 ditësh, njofton SVR Ohër.
Pas vendimit të gjykatës së Kërçovës, ai është transferuar për të vuajtur dënimin në burgun e Manastirit.
Për babain e dyshuar, më 11 janar, Prokuroria Themelore Publike (OJO) Kërçovë ka hapur hetim për veprën penale të vrasjes.
“Më 18 dhjetor 2023, gjatë ushtrimit të dhunës në familje, i dyshuari i ka marrë jetën vajzës së tij, e lindur në vitin 2022. “Ai e ka goditur disa herë me duar dhe këmbë, duke i shkaktuar lëndime të rënda fizike – një kockë të thyer të kafkës, gjakderdhje në tru dhe dy brinjë të thyera”, tha prokuroria.