Kryeministri i Kosovës, Albin Kurti, ka deklaruar para mërgimtarëve se investimet në Forcën e Sigurisë së Kosovës (FSK) kanë shënuar rritje të jashtëzakonshme gjatë mandatit të tij, krahasuar me vitet paraprake.
Sipas Kurtit, në periudhën 2018–2020, buxheti për armatimin e FSK-së kishte qenë vetëm 4 milionë euro, ndërsa gjatë mandatit aktual qeverisës investimet kanë kaluar shifrën 430 milionë euro.
“Më parë kishte më shumë municion në oda se në kazerma”, u shpreh Kurti, duke kritikuar qasjen e qeverive të kaluara ndaj mbrojtjes dhe sigurisë së vendit.