Kryeministri në detyrë i Kosovës, Albin Kurti thotë se pas propozimit të Glauk Konjufcës për mandatar për formimin e Qeverisë, i mbetet opozitës të vendos nëse do të vazhdojnë me qeverinë aktuale deri në dhjetor, e të shkojnë në zgjedhje, ose të votojnë për qeverinë me Konjufcën në krye, e pastaj të shkojnë në zgjedhje në muajin prill.
“Me qenë se unë nuk i mora 61 votat e nevojshme, dhamë edhe propozimin tjetër pa vonesë, me këtë do të merremi menjëherë pas balotazhit dhe çfarë duhet të theksohet është se opozita e ka në dorë ta zgjedh rrugën e mëtutjeshme. Ose Kurti 2.5 drejt zgjedhjeve në dhjetor, ose Konjufca 1 drejt zgjedhjeve në prill. Cilado, prej neve është e pranueshme, Le të bashkëpunojmë e le të ecim përpara”, theksoi Kurti.