Kryeministri në detyrë i Kosovës, Albin Kurti, të premten, në New York ka takuar, kryeministrin e Granadas, Dickon Amiss Thomas Mitchell dhe kryeministrin e Belizesë, John Briceno.
Në takim me kryeministrin e Grandas, Kurti ka shprehur mirënjohje për mbështetjen e Grandas “për mbështetjen e saj të gjatë për Kosovën, përfshirë anëtarësimin në organizata ndërkombëtare”.
“Bashkë diskutuan për marrëdhëniet dy palëshe dhe për mundësitë që dy vendet ofrojnë për bashkëpunim më të madh dhe partneritet më të fortë, si dhe për zhvillimet dhe situatën gjeopolitike dhe ndikimin e tyre”.
Ndërkohë me kryeministrin e Belizesë, Kurti ka diskutuar për mundësitë e bashkëpunimit ekonomik ndërmjet dy vendeve dhe sektorët me potencial për investime të huaja, krahas atyre në fushat si edukim, turizëm, politika sociale e të punësimit dhe kulturë.
“Kurti e njoftoi homologun e tij për progresin e Kosovës në rrafshin ekonomik dhe demokratik, si dhe të sigurisë dhe mirëqenies, dhe e falënderoi atë për mbështetjen e Kosovës në proceset e anëtarësimit në organizata ndërkombëtare. Ai po ashtu theksoi se ushtarët e Forcës të Sigurisë së Kosovës janë në Belize, si pjesë e angazhimeve për siguri dhe bashkëpunim në kuadër të misionit bashkëzbarkues me ushtrinë e Mbretërisë së Bashkuar”.
Të dy kryeministrat, Kurti i ka ftuar për vizitë zyrtare në Kosovë.