shkruan: Lis Bukuroca
Nuk mund të ndërtohet shtet ligjor në një vend ku populli, me votë, rikthen në pushtet hajdutët e vet!
Në një vend të tillë, as ata që i votojnë dhe as oligarkët nuk e duan shtetin: ata duan vetëm një atdhe pa shtet, ku askush nuk mban përgjegjësi.
Si mund të presim drejtësi, kur vetë votojmë padrejtësinë?
Si mund të presim përmirësim, nëse votojmë të kaluarën që ka plaçikur shtetin, atdheun?
Derisa të mos kuptojmë se vota është arma jonë e parë kundër krimit të organizuar politik, shtet ligjor nuk do të ndërtojmë. Nuk do të kemi.
Përkundrazi, do të ikim drejt vendeve tjera ku popujt tjerë nuk lejojnë dhe nuk durojnë t’u vidhet shteti.
Të votosh pasuesit e hajdutëve, pa u distancuar ata nga hajdutëria e kaluar, do të thotë të legjitimosh vazhdimin e vjedhjes në të ardhmen.
Dhe kështu, ata do të vazhdojnë të pasurohen (ti ia mundëson me votën tënde), kurse ti do të përgaditesh për të ikur diku në Perëndim, natyrisht, nëse nuk je duke vjedhur bashkë me ta…
Ku po shkoni oj dele, me kaq ngut?
Po shkojmë me votue kasapin tonë!
Po pse, oj budallica? A po ju doket jeta e gatë a?
Jo, jeta oshtë e shkurtë… po kasapi oshtë i përhershëm!
Po a keni men n’krye oj bagti?
Men po… por zakon e kemi! Fat!
Po ju s’jeni normale!
Normale oshtë relative çoban!
Veç viktima oshtë absolute!