Kryetari i Partisë Demokratike të Kosovës (PDK), Memli Krasniqi, pas raundit të dytë të zgjedhjeve lokale e ka quajtur kandidatin e PDK-së në Mitrovicë, Arian Tahiri, “yll të fushatës”, pasi, sipas tij, i vetëm përballë tërë aparatit shtetëror, Tahiri bëri garë të fortë, dinjitoze dhe të ngushtë deri në fund.
Krasniqi, përmes një shkrimi në rrjetin social ‘Facebook’, ka thënë se disa gara kanë qenë më të vështira, madje sipas tij “të pabarabarta”.
“Por për ne, çdo përpjekje e ndershme është fitore në vetvete, sepse PDK nuk e mat suksesin vetëm me numra, por me qëndresën, qetësinë dhe përgjegjësinë me të cilat e përfaqëson qytetarin në çdo rrethanë”, ka shkruar Krasniqi në rrjetin social ‘Facebook’.