Rreagimi i plot i Dragan kovaçkit:
Unë i ndjek postimet nga shtabi i Ali Ahmetit dhe nga partia e uzurpatorit Zijadin Sela.
Jam i tronditur nga paturpësia me të cilën BDI dhe mbetjet e ASH-së sulmojnë strukturën komanduese të ARM-së.
Me çfarë lehtësie këta hijena dhe humbës, pa turp dhe pa asnjë grimë ndërgjegjeje, hedhin baltë dhe shpifin kundër njerëzve që tërë jetën kanë mbajtur uniformën dhe janë garantues të sigurisë sonë.
Në çfarë kohe jetoni ju që nuk do të ekzistoni pas zgjedhjeve të ardhshme?
A mendoni se do të fitoni pikë politike duke njollosur individë duke i quajtur rusofilë, sllavofilë apo diçka tjetër?
Ndërkohë që i gjithë bota përballet me sfida serioze, ju – mercenarët e Ahmetit – punoni kundër shtetit tuaj nga brenda!
A jeni aq të dëshpëruar dhe të humbur në lojërat tuaja të ndyra saqë duhet të përdorni gënjeshtra dhe trillime?
Kush ju dha të drejtën të njollosni reputacionin e këtyre njerëzve?
Gjeneralët dhe oficerët mbi të cilët shpifni me deklarata partiake nuk kanë rënë nga qielli – ata për dekada kanë mbajtur uniformën, janë betuar për besnikëri ndaj shtetit (ndryshe nga ju që shikoni si ta copëtoni), kanë qenë në vijat e para kur ka qenë më e vështira!
Po, ndryshe nga ju që tërë jetën e keni shitur shtetin për interesa të vogla!
Unë, si ish-koleg i tyre, nuk jam pajtuar gjithmonë me të gjitha vendimet, kemi pasur qëndrime të ndryshme për disa çështje.
Por një gjë e di – profesionalizmi i tyre, lojaliteti i tyre dhe sakrifica për Maqedoninë nuk janë vënë kurrë në pikëpyetje!
Dhe pikërisht ata gjeneralë që i sulmoni (nuk janë gjeneralë të djeshëm) u poshtëruan sipas vendimeve të udhëheqjes së atëhershme të Ministrisë së Mbrojtjes dhe të qiramarrësit të atëhershëm në vilën në Vodno, Pendarovskit.
BDI dhe pjesa tjetër e Aleancës, ju jeni të humbur në kohë dhe hapësirë!
Ju dëshironi ta tërhiqni ushtrinë në baltën tuaj partiake, dëshironi ta ndani sipas lidhjeve etnike, ashtu siç ndatë institucionet, kompanitë, tenderët…
Por ushtria nuk është lodra juaj politike!
Kjo është ushtria maqedonase! Këta njerëz janë patriotë, profesionistë, mbrojtës të këtij vendi!
Ata nuk luajnë sipas notave partiake, nuk ju frikësohen, nuk gjunjëzohen para jush!
Dhe pikërisht për këtë ju pengojnë!
Në fund – sado që të përpiqeni t’i njollosni, populli nuk është i verbër!
Ushtria ka qenë dhe do të mbetet mbrojtësja e shtetit!
Ndërsa ju, tregtarë politikë, do të mbeteni vetëm një fusnotë në historinë e demokracisë maqedonase, ku secili mund të thoshte çdo gënjeshtër dhe të mbetej i pandëshkuar.
Në fund, për të shqetësuarit nga BDI dhe mbetjet e Aleancës: këta gjeneralë ndoshta kanë studiuar në ish-JNA dhe Serbi. I tillë ka qenë sistemi.
Por ata u kthyen në Maqedoni kur duhej.
Gjithsesi, edhe një apo dy vite dhe do të dalin në pension.
Por çfarë bëjmë me Talat Xhaferin, i cili gjithashtu ka studiuar në JNA dhe Serbi (a është edhe ai serbofil dhe rusofil?) – apo mos është ai një “agjent i fshehur”?