Komuna e Tetovës ka vendosur që ta shkurtojë orarin e parkimit zonal për dy orë, përcjell TV21. Nga Komuna e Tetovës thonë se pas orës 21:00, qytetarët mund ta shfrytëzojnë parkingun pa pagesë dhe bënë të ditur që ky vendim do të fillojë nga 15 korrik deri më 15 gusht.
“Komuna e Tetovës në bashkëpunim me ndërmarrjen Parkingu i Qytetit, ka vendosur që të shkurtojë orarin e parkimit zonal për dy orë, respektivisht tani koha e parkimit do të jetë nga ora 07:00 deri në ora 21:00, dy orë më herët se zakonisht.
Tashmë të gjithë qytetarët pas orës 21 mund ta shfrytëzojnë parkimin pa pagesë. Ky vendim do të filloj nga 15 i këtij muaji deri më 15 gusht. Tani është koha kur mërgimtarët tanë janë për pushime në vendlindje dhe në shenjë respekti kemi vendosur të shkurtojmë orarin e parkimit me pagesë. Poashtu, tashmë oborret e shkollave në Tetovë janë të lira dhe parkimi është falas. Duke nisur nga ky fakt drejtuesit e automjeteve do ishte mirë që të parkojne veturat e tyre në këto parkingje që të shmangim kaosin në komunikacion”, thonë nga Komuna e Tetovës.