Komisioni i Venecias ka dhënë mendim pozitiv për propozim- ligjin për prokurorinë publike dhe propozim ligjin për Këshillin e prokurorëve publikë, të cilët, sipas agjendës reformuese, duhet të miratohen në vend deri në fund të dhjetorit të këtij viti.
Nga Ministria e Drejtësisë informojnë se Komisioni i Venecias e ka shprehur mendimin pozitiv për këto dy ligje sot, gjatë sesionit plenar, në të cilin janë dhënë edhe disa sugjerime shtesë për përmirësimin e teksteve ligjore. Përveç këtyre dy ligjeve, janë në përgatitje edhe disa zgjidhje të tjera ligjore në kuadër të agjendës reformuese, të gjitha këto brenda reformave në sistemin gjyqësor me qëllim rritjen e besimit të ulët të qytetarëve në organet e drejtësisë.