Kërçova në vitin 2024, gjatë Ditës së Flamurit – 28 Nëntorit – ishte e mbushur me atmosferë festive. Qyteti ishte i veshur kuq e zi, rrugët dhe sheshet mbanin simbole kombëtare, ndërsa festimet shiheshin kudo.
Por këtë vit, më 28 Nëntor 2025, situata paraqitet ndryshe. Pas zgjedhjeve lokale dhe marrjes së komunës nga kandidati maqedonas i koalicionit VMRO–VLEN, në qytet nuk vihet re e njëjta atmosferë festive si më parë. Sipas banorëve, rrugët janë më të heshtura dhe simbolet kombëtare shqiptare pothuajse nuk shihen në hapësirat publike.
Për shumë qytetarë, ndryshimi në atmosferë ka ngjallur diskutime nëse festimet e Ditës së Flamurit po kufizohen apo thjesht janë organizuar ndryshe këtë vit. Ndërkohë, qytetarët presin reagime dhe sqarime nga autoritetet lokale në lidhje me rregulloret e ekspozimit të simboleve kombëtare dhe organizimin e aktiviteteve festive.