Përveç futjes së dhunshme në studion e televizionit shtetëror, grupet kriminale në Ekuador kanë nisur një seri sulmesh në dukje të koordinuara në të gjithë vendin e Amerikës së Jugut.
“Pas futjes policia ka ndërhyrë, duke arrestuar kriminelët dhe ka konfiskuar të paktën katër armë zjarri, dy granata dhe lëndë shpërthyese, si dhe janë arrestuar 13 persona”, tha Cesar Zapata, kryekomandant i policisë kombëtare.
“Autorët do të dalin para drejtësisë për aktet e tyre terroriste”, shtoi Zapata.
Pasi sulmit në një studio televizive gjatë një transmetimi të drejtpërdrejtë, presidenti Daniel Noboa nënshkroi një dekret urgjent duke shpallur një konflikt të armatosur të brendshëm, dhe duke emëruar disa grupe të krimit të organizuar si “organizata terroriste” dhe “aktorë joshtetërorë”.
https://x.com/censoredmen/status/1744922906532986995?s=46
Përplasja në studio erdhi pasi bandat kriminale lëshuan një valë terrori në të gjithë Ekuadorin, duke rrëmbyer oficerë policie dhe duke shpërthyer një varg bombash, ndërsa të burgosurit rrëmbyen dhjetëra roje sigurie.
Sulmet erdhën disa orë pasi presidenti i ri Daniel Noboa shpalli gjendjen e jashtëzakonshme pas arratisjes së liderit të bandës më të rrezikshme të vendit.
Ndërsa mijëra ushtarë dhe policë kërkonin Adolfo Macias, liderin e dënuar të bandës së fuqishme Los Choneros, i cili u zhduk nga një burg i sigurisë maksimale të dielën, kaosi shpërtheu brenda dhe jashtë burgut në një shfaqje të dukshme force nga grupet e krimit të organizuar kundër presidentit të ri të venditt.
Noboa, i cili u zgjodh në tetor me një premtim për të goditur krimin, shpalli gjendjen e jashtëzakonshme dymujore dje vonë.
https://x.com/debbiebernal/status/1744882070072025388?s=46
Gati 40 të burgosur të tjerë, përfshirë një tjetër bos droge të dënuar, u arratisën nga një burg tjetër në qytetin Riobamba në orët e para të mëngjesit të së martës.
Në rrjetet sociale u shfaqën disa video në të cilat anëtarët e kartelit vrasin rojet e burgut, duke qëlluar dhe varur.
Tetë persona u vranë dhe tre u plagosën në sulmet e lidhura me bandat në Guayaquil, ndërsa dy policë u vranë nga kriminelët e armatosur në qytetin e afërt të Nobolo, tha policia.
Shtatë policë janë rrëmbyer dhe një video që qarkullon në rrjetet sociale, tregon tre nga policët e rrëmbyer të ulur në tokë me një armë drejtuar në kokë, ndërsa njëri detyrohet të lexojë një deklaratë drejtuar presidentit Noboa.
“Ju keni shpallur luftë, do të keni luftën. Keni shpallur gjendjen e jashtëzakonshme. Ne shpallim trofeun e luftës policinë, civilët dhe ushtarët”, lexonte polici i kapur.
https://x.com/jackstr42679640/status/1744918191804141809?s=46
Policia urdhëroi evakuimin e një kompleksi qeveritar në Quito, për shkak të shqetësimeve të sigurisë. Banorët e Quitos i thanë agjencisë së lajmeve Reuters se qyteti ishte në kaos pas lajmeve për sulmin në një stacion televiziv në Guayaquil.
“Në qytet ka shumë nervozizëm. Në punë njerëzit largohen herët. Ikin të gjithë, kudo sheh shumë trafik dhe alarme. Kaosi mbretëron”, tha Mario Urena.
Në kryeqytetin Quito, policia gjeti një automjet të djegur me gjurmë bombolash gazi brenda. Ata kanë raportuar në rrjetet sociale se kanë dëgjuar një shpërthim të fortë në zonë. Policia tha gjithashtu se mori raporte për një shpërthim në një urë jashtë Quito.
https://x.com/popularfront_/status/1744879009941303444?s=46
Dhjetëra roje burgu janë marrë peng në burgjet në të gjithë vendin, megjithëse autoritetet e burgjeve nuk kanë dhënë detaje të tjera.
Macias, 44 vjeç, u zhduk nga burgu të dielën gjatë një transferimi në një burg të sigurisë maksimale në Guayaquil, qyteti port në qendër të prejardhjes brutale të Ekuadorit në dhunë.