Aktivisti dhe komentuesi politik Emrush Ajdini ka reaguar me ironi në rrjetet sociale lidhur me kandidaturën e Mitasin Beqirit për kryetar komune, i cili po prezantohet si “kandidat i pavarur”. Sipas Ajdinit, konfuziteti rreth mbështetjes së vërtetë politike të Beqirit është bërë aq i madh, saqë ai ofron shpërblim për këdo që mund të japë një përgjigje të saktë.
“Kush më tregon me cilën parti është Mitasin Beqiri, ‘kandidat i pavarur’ për kryetar komune, ka shpërblim,” shkruan Ajdini.
Ai ironizon situatën përmes një liste opsionesh që ngjajnë më shumë me një test politik sarkastik, sesa me një analizë të qartë:
Është i pavarur
Me Arben Taravarin
Me Arben Fetain
Me Bilall Kasamin
Do e mbështesin “kandidatin e pavarur” Isen Shabani
Me Lëvizjen Arbëria
Postimi vjen si pasojë e, siç thekson vetë autori, “mosnjohjes personale ndaj personit në fjalë”, por më shumë si reagim ndaj asaj që ai e quan “mbështetje e verbër dhe respekt automatik” në rrjetet sociale për personazhe që, sipas tij, ndërrojnë kamp politik sa herë që u jepet rasti.
“Nuk e kam as idenë kush është, por shoh plot imbecilë që i komentojnë ‘Respekte’ sa herë që ky ndërron parti,” përfundon Ajdini.
Reagimi ka ngjallur diskutime të gjera, duke ngritur pyetjen nëse “kandidatura e pavarur” është thjesht një etiketë taktike për të shmangur përgjegjësinë partiake apo për të tërhequr votues të paangazhuar.
Emrush Ajdini