Osmani u pyet nga gazetarët pse nuk e kishte vizituar Hamzën gjatë kohës që ai ishte kryetar i Mitrovicës, por këtë e quajti “propagandë”.
Presidentja e Kosovës, Vjosa Osmani, është pyetur nga gazetarët gjatë vizitës së saj në Mitrovicë se përse një vizitë të ngjashme nuk e kishte realizuar edhe kur postin e kryetarit e mbante Bedri Hamza.
Osmani, në një konferencë për media, e quajti këtë “fake news”, duke theksuar se e kishte vizituar Hamzën disa herë.
“Unë mendoj se ajo që sapo u tha është ‘fake news’, ‘propagandë’, është ‘gënjeshtër’, sepse jo njëherë, por disa herë e kam vizituar Bedri Hamzën në këtë zyrë sa ka qenë kryetar i komunës së Mitrovicës. Dhe jo vetëm në këtë zyrë, por kemi qenë në vizita edhe në projekte të ndryshme, shkolla, biznese dhe OJQ-të e ndryshme”, u shpreh Osmani para gazetarëve.
Peci është kryetari i dytë të cilin e ka vizituar Osmani për t’i uruar pozitën e kryetarit; i pari që e uroi ishte kryetari i Gjilanit. Ende nuk dihet nëse Osmani do të vizitojë edhe kryetarët e tjerë të komunave.
Peci fitoi në Mitrovicë, kundër kandidatit Arian Tahiri nga radhët e Partisë Demokratike të Kosovës (PDK). Në katër vitet e fundit, Mitrovicën e kishte udhëhequr Bedri Hamza.