Një zyrtar i lartë izraelit ka deklaruar se Izraeli është duke u përgatitur për një operacion ushtarak në shkallë të gjerë në Jemen, i cili mund të ndodhë shumë shpejt.
“Jemi duke përgatitur një operacion të madh në Jemen. Kjo mund të ndodhë shumë shpejt. Ne kemi informuar partnerët tanë perëndimorë për këtë zhvillim”, ka deklaruar zyrtari izraelit, pa dhënë më shumë detaje rreth kohës apo objektivave specifike.
Në të njëjtën kohë, komandanti i Gardës Revolucionare të Iranit, Sardar Esmail Kowsari, ka mohuar çdo ide të armëpushimit në rajon.
“Nuk ka armëpushim. Çdo ndërprerje është vetëm një pezullim i përkohshëm. Lufta vazhdon”, u shpreh ai, duke theksuar se situata mbetet e tensionuar dhe e hapur për eskalim të mëtejshëm.
Këto zhvillime vijnë në një moment kur tensionet në Lindjen e Mesme janë përshkallëzuar ndjeshëm, me Jemenin që po shndërrohet gjithnjë e më shumë në një pikë strategjike të përplasjes ndërmjet fuqive rajonale dhe globale.