Radioja ushtarake izraelite sot publikoi se, në pajtim me marrëveshjen e arritur për Gazën, do të lirohen 11 të burgosur nga radhët e Hamasit, e jo nga Fatahu, siç u planifikua fillimisht.
Sipas informacionit në dispozicion, ndryshimi në listën e të liruarve u bë në momentin e fundit.
Një zëdhënës ushtarak konfirmoi se armëpushimi midis Izraelit dhe lëvizjes palestineze “Hamas” hyri në fuqi sot në mesditë.
Marrëveshja është faza e parë e planit paqesor të propozuar nga presidenti amerikan, Donald Tramp dhe parashikon lirimin e të gjithë pengjeve izraelite, si dhe tërheqjen e forcave izraelite në një linjë të dakorduar bashkarisht në Gazë.
Izraeli, sipas marrëveshjes, do të lirojë rreth 250 palestinezë të dënuar me burgim të përjetshëm dhe rreth 1.700 persona të paraburgosur që nga sulmi i Hamasit dy vjet më parë.