Izet Mexhiti, kryetari i “Lëvizjes Demokratike” në një konferencë për media sot tha se opozita shqiptare është në bisedime nëse do të ketë kandidat për zgjedhjet presidenciale në Maqedoninë e Veriut. Ai nuk e përjashtoi Rufi Osmanin si kandidat të mundshëm, shkruan Portalb.mk.
Në konferencën e sotme për media të koalicionit “Lëvizja Evropiane për Ndryshim”, kryetari i “Lëvizjes Demokratike” parti kjo pjesë e koalicionit opozitar, Izet Mexhiti i pyetur nga gazetarët nëse opozita shqiptare do të ketë kandidat në zgjedhjet presidenciale të 24 prillit, dhe nëse ai do të jetë Rufi Osmani, ai tha se nuk e përjashtojnë si kandidat por ende janë në bisedime dhe se personi do të jetë inkluziv që të përfaqësojë shqiptarët në Maqedoni,
“Nuk e përjashtoj, ka pasur bisedime. Do të jetë kandidat gjithëpërfshirës, inkluziv, që në mënyrë dinjitoze do t’i përfaqësojë si kandidat për president, shqiptarët në Maqedoni.”, tha Mexhiti.