Na ka rënë për detyrë një punë e vështirë – të merremi me demantimin e gënjeshtrave.
Lidhur me Ligjin për Mbrojtjen e Fëmijëve, një sqarim për qytetarët:
Ligji i propozuar nga VLEN-i i detyron edukatorët që testimin për marrjen e licencës ta japin në gjuhën maqedonase, ndërsa me kërkesë edhe në gjuhën shqipe (pra në të dy gjuhët). Shih fotografine e parë .
Për të shmangur interpretime të ndryshme nga formulimi i tyre, ne propozuam amendamente, me të cilat kërkuam riformulimin e nenit (shih foton) ose fshirjen e lidhëzës “edhe”.
Propozuesit, pra VLEN-i, e hoqi ligjin nga procedura dhe e propozoi sërish të njëjtin, por kësaj here pa e thirrur aspak Komisionin – domethënë pa mundësi për debat dhe pa mundësi për të propozuar amendamente – duke tentuar ta kalojë në votim final. Kjo shkaktoi reagimin tonë.
Pra, në asnjë mënyrë nuk jemi kundër Ligjit, por kërkojmë saktësim të neneve që rregullojnë përdorimin e gjuhës dhe jemi kundër mënyrës klandestine të votimit, që bie ndesh me Rregulloren e Kuvendit.
Nëse nuk dini, të paktën dëgjoni!
