Brezë, 26 maj 2025 – Sot, më 26 maj, u zhvilluan homazhe në nderim të Dëshmorëve të Kombit në fshatin Brezë. Aktiviteti përkujtimor nisi me vizitë tek varrezat e dëshmorëve, ku u vendosën lule dhe u mbajtën momente nderimi për të rënët që dhanë jetën për lirinë.
Pas homazheve, u vizituan Shkolla e fshatit, Xhamia, Kulla dhe Lapidari përkujtimor i heroit Ismet Bajrami në vendin e quajtur Ramë, si pjesë e aktivitetit përkujtimor.
Pjesëmarrja e qytetarëve dhe përfaqësuesve institucionalë në këtë ditë nderimi ishte një dëshmi e gjallë e kujtesës kolektive për sakrificën e dëshmorëve dhe respektit ndaj familjeve të tyre.
Lavdi të përjetshme të rënëve për liri!
