Ministër i Jashtëm i Shqipërisë, Igli Hasani, në Samitin e OSBE-së në Shkup, tha se ngjarjet në Kosovë janë shkëndija e fundit për ta zhvendosur vëmendjen nga konflikti në Ukrainë duke nxitur konflikt në Ballkanin Perëndimor
“Ngjarjet në Kosovë janë shkëndija e fundit për ta zhvendosur vëmendjen nga konflikti në Ukrainë duke nxitur konflikt në Ballkanin Perëndimor. Ne po bëjmë ç’mos t’i kundërshtojmë këto kërcënime së bashku me aleatët dhe partnerët tanë. Shqipëria vazhdon të punojë fortë dhe në mënyrë proaktive për qëndrueshmërinë dhe paqen në Ballkanin Perëndimor. Ne mbetemi garantues për rajonin tonë për orientimin evropian, sigurinë, stabilitetin dhe demokracinë…Kosova dhe Serbia duhet t’i kapërcejnë të gjitha dallimet përmes dialogut. Nuk ka asnjë alternativë për dialogun. Por, të gjithë duhet të pranojmë se mënyra më e mirë për ta bërë Ballkanin Perëndimor dhe Evropën më të sigurt është njohja e Pavarësisë së Kosovës dhe ti jepet vendi që i takon në këtë tryezë dhe në forumet e tjera ndërkombëtare”, tha Igli Hasani, Ministër i Jashtëm i Shqipërisë./ Alsat.mk