Njohësi i sigurisë kibernetikës, Halil Berisha, ka thënë se qe tri ditë faqet e institucioneve shtetërore po përballen me sulme prej Rusisë.
Faqet e prekura janë e kryeministrit, ministrive, aeroportit, por edhe organizatave të tjera, shkruan Zeri.info.
Sipas tij, krejt kjo po bëhet për shkak të përkrahjes që Kosova ia ka dhënë Ukrainës.
“Shumica e uebfaqeve të sulmuara tash janë rikthyer dhe funksionojnë pa problem. Sipas të gjitha shenjave, sulmi është DDoS dhe të dhënat janë të sigurta.
Ky sulm çon vizita në numër aq të madh njëkohësisht sa që uebfaqet nuk mund t’i përballojnë”, u shpreh Berisha.
Eksperti i kibernetikes u shpreh se institucionet e Kosovës kanë reaguar shumë shpejt dhe në mënyrë efikase ndaj këtyre sulmeve e që sipas tij kjo dëshmon se në vend ka njerëz që janë të aftë për të mbrojtur të dhënat.
“Këto sulme duhet të japin informatat e nevojshme për këtë punë.
Gjithashtu, këto grupe ruse janë duke u përgatitur për një valë të re sulmesh, ku mund të përfshihen edhe kompanitë, kështu që për mbrojtje duhet të fillohen përgatitjet nga secili institucion, agjenci, kompani e organizatë!”, shkroi ai ndër të tjera. /Zëri