Media të ndryshme bëjnë të ditur se “MPB paska formuar një Njësi Speciale Civile në Kumanovë prej 9 vetave, në mesin e të cilëve ka avancuar në detyrë policin maqedonas, i cili përdhosi flamurin shqiptar gjatë festës së 28 Nëntorit”.
Katër muaj më parë zëvendës ministri i brendshëm z.Hiseni, i cili vjen nga radhët e VREDI-t tha se polici në fjalë do të suspendohej por, në vend që të suspendohej, Ministria e Brendshme e inkuadron në ekip elitar për veprim në rrethana të jashtzakonshme me shumë gjasa me motivacion për guximin dhe trimërinë e përdhosjes së flamurit shqiptar.
Nga 24 qershori i vitit të kaluar dhe deri më sot bëhen plot nëntë muaj të martesës për interes mes VREDI-it dhe komitëve të VMRO-së në qeverinë e koalicionit, ku nga kjo martesë për interes mes “nuses” nga VREDI dhe “dhëndrit” komit, edhe pas muajve bashkëjetesë në bordelon qeveritare, “nusja” mulate turko-shqiptare nga VREDI nuk ngeli “shtatzënë” me komitin pasi komiti nuk e gjeti “virgjëreshë”, por të shpuar nga “përçitjet” e mëparshme me titistët e SDSM-së (nga qeveritë e koalicionit të kaluar) dhe si e tillë “nusja” nga VREDI do të shërbej si “shfalerkë” për klientët azgan të koalicionit qeveritar.
Nga ky veprim i Ministrisë së Brendshme në krye me ministrin Toshkoski, kuptojmë qartë se VREDI në qeverinë e koalicionit nuk ka asnjë peshë veç leverdive që vjel nga pushteti si anëtare lojale e kabinetit qeveritar.
Katër muaj më vonë pas skandalit me flamurin shqiptar nuk ndodhi asnjë suspendim për policin e Maksit të Kumanovës, përkundrazi ai gradohet për shërbime të veçanta, ndaj sot, zëvendës ministri Hiseni, e ka fjanë dhe të na thotë se ku mbeti procedura disciplinore për policin që përdhosi flamurin shqiptar në Kumanovë?
Me këtë veprim qeveria e kryekomitit Micko e hoqi maskën e pabarazisë dhe të shovinizmit, ku barazia para ligjit mes shqiptarëve dhe maqedonasve anon nga pushteti dhe jo nga balanca e drejtësisë.
Medai Shaholli